Chung Tang Van ah ~C.Hoiniang (Vaiphei Nam Laa)

Chung thang van ah sawltha a hung eng chang in
Asiamtu Chung Pathian ka gel zing.
Len gual zatam nuam in a leng dial dial ui…
Pak gim tui in Gam tin a zem.

Aw nang ka gam ka lenna gam mun nuam
Zatam nun nuam ka bual na.
A sunga leng la vawnchawi zosia te’n
Chul mai ding in ka phal thei puai ZOGAM, chul lo zen in.

Tang tin leh mual tin muisum in a bawm e..A gam thingle pak tin in a zem
Zuu leh vaa te’n nuam in zaila’n nau bang awi
ZOGAM pak luun zing hen a tiu.

Sun ni hung sa’n, chul thinglim dap nuai ka bel.
Zatam gen zou siktui ka dawn hi,
Chung leng vaa te’n nuam in zaila’n awi in.
Chenna zoulei aw a nuam ngei.

Kei Uh Nang Uh ti Umda Hen ~Puii ( Vaiphei Nam Laa)

Hepina a ki sawm dawl tua in, Lung thim munkhat a ding khawm in.
A ching, a thiam, a hau te’n le, Chaga genthei te sawm dawl in.
A vai te’n le ginum na tudet in, Tawmngaina-Taimatna tudet in.
Unau laigui khaukhat zawp ngen I hiu, Pung le chang in kuama khenda hen
Suapi unau kuama’n khenda hen.

Kei uh, Nang uh ti umda hen, Nang uh Kei uh tile um da hen la,
Sungkhat suan a piang ngei ngei I hiu-(2)

I Gam leh Nam khantou na ding in, A poimaw pen hi Tawmngaina.
Chi leh Nam khan mawbawk hi, nang uh kei uh ti… hi ahi.
I Nam zaa um ahithei na ding in, Tangval suan um Pasal pha a pawimawi.
I Nam pak bang a luun thei nading in, Nungak ginum la hi a pawimawi.
Bangkim hithei tu vang Lalpa ahi.