Hi I really love this Article, i really don't know who wrote it.. but i feel its a must to read the fact of our People and our Land....
Tuni Thupi: “Huan, TOUPAN Sodom leh Gomorra khaw tung ah van a TOUPA kianga kipan in kat leh mei a zu sak a..” -- Genesis 19:24
Toupa’n hon halmang khongding lauhuai
Lamka khawpi hih a neu tuk in a sung ah thil thupitak tak piang khia a, thil thupitak om in, thil thupi tak mah om beh seem lai ding hi. Neih le lam, sum le pai chih te khawpi sung ah nasa law mahmah in, bazaar sung lel a nikhat a sum kivei tuah tam petmah ding in I gingta hi.
Unau melhaih hun 1997-’98 lai in mi tamtak te neek le dawn ding neilou in I om uh a, meikuang paisuak bangkhawp in ann ngawl man pawl leng om hi. Tuaban ah, tamtak te mah in sum le pai neih sunsun te thautang man ding khawng in i zuak ua, huchih lai in kitat satlouh a building ana lam ziahziah leh mite taisan Inn le lou a na leithei ziahziah bang ana om hi.
Ei lawi i sihchiang un a manpha thei tawp in i kigen sek ua, i pianthak hun naktak in i sui uhi. I damlai a i nasep hoihloute genlou in, dang naal zeen in Vangam kai ding ngeingei in i ki gen naak khem uhi. Akhente’n OD/AIDS a si te leng ki zumpih mahmah in, sung na peuh chi in, anatna i puangzaak ngam hetkei uhi.
Drugs tawh kisai in Lamka khawpi peen khawpi neu mahmah himahleh, khawvel theih in Drugs leh HIV/AIDS munpi khat suak hi. Huaiziak mah ahi ding i lak ah NGO tamtak a hong piang zungzung a, Rehab centre ngial tam chihtak in hong tam hi. Kizuak (prostitute) tawh kisai in leng i maimai tuan kei uhi. Commercial sex worker chih nasan leng zum zounawn lou in i om ta a, zumna a i ngaihlouh pen changkanna khat leh civilized na khat himahleh, a zum huai zawng a angaituah in zum huai petmah hi. Ki zuakte tungtawn in i lakah natna hoihlou hong pung hat mahmah a theih ahi. Khawpi changkang dan a ngai i hivet leh, red light area bawlvet a, kizuakna mun mun thoveng a bawlkhiak a, routine medical check up neih hunta hi. Natna hoihlou i ki ban lawh zungzung sang un, Government theihpihna tawh kizuakte kiang ah license pia in, zalentak a gamtatsak hile uh tuasang in natna hoihlou a tawmzaw diam chih ngaihdan piangthei bang ta hi.
Zu leh khamtheih tuamtuam te’n thil hoihlou leh khelhna liantak in i ngai a, i ngaih ding mah leng ahi him hi. Himahleh, neekgukna tawh kisai in bangzahta in i ki siamtan theituan dia oi? Saptuam upa i lak ah bangzah mahni sepna (posting) na mun a om peih lou i om a? Saptuam thaunilh sumpung hawm a kipei leng a hunkhawp om i hi ka hia? Pharisaite’n Samari numei suang a adenlup dek lai un a kiang uah Jesu’n khelhna neilou pe’n in deng masa un a chih pian deuh un, zu zuak, kizuak, khamtheih hih leh adang dang te I mawhsak lai in, ei bang I hi tuan a chih te mahni kidotna dia poimawh mahmah ahi hi. Department tuamtuam ah bangzah fake appointment mu i om ua, i tate bangzah fake appointment ah i guanglut a, ahih kei leh, sepna bangzah in sum le pai seeng in i lei ua? Chih te ngaihtuah tham ching hi.
I lakah Pathian limsakna kichi leh khasiangthou halhsakna i ma mawh uh chih Biakinn a sermon pipen a hitawn tung hi. Biakinn kaiteng mah kai, thugen te’n lah a kibang ngen gengen mai, khawmpi chiang a ki naih khawm huhu, chialpi leh camp om teng a kilat thakna nei in, kha khat leng daihlah mahmahte I hih ziak in, I din mun uh theih haktak ah. Huaiziak in, khawvel in i mi hinna zou gawpta in, sum le pai etlahna a I dim luat ziak in, Saptuam leh Upate lak mahmah ah leng halhna tungtheilou adiam chih ngaihtuah tham ching hi. Bangteng hileh, zingkal phalvak ma a khitui kaikawm a, I gam leh Nam damsakna dia Pathian kiang a ana thumte ziak lel a I khawpi sung haalzaak a om nai tadihlou adiam? Pathian in Sodom leh Gomorro a halsiang bang a ei lak leng chik ni chiang in ahon halsiang dia chih ngaihngam huai lou hi.
Zan zingkal news i et leh, Tualnuam leh Mualkot khua kikal ah tulai nitak dak 6:00-7:30 vel in numei leh pasal omdan kilawmlou leh mitsip huai tamtak lampi gei leh lampi laitanpha ah muhthei ding om chih i sim kha hi. Tuabang a gamtang te bike, Honda Activa, maruti car ahihkei leh Gypsy zang uh hi’n kigen hi. Ginthu genle hang, numei naupang chikchik college kai khawng bang leng himaithei ua, huaiziak in nulepa ten leng tate etkai mahmah hun hi’n kilang hi. Toupa’n ahon halmang khawng ding lauhuai mahmah hi.
Source- Manipur Express date 15th February, 2008 Editorial.
Subscribe to:
Post Comments (Atom)
No comments:
Post a Comment